Xan oturan ziyarətgahı
Zəngəzur mahalının Qarakilsə rayonunun Urud kəndi kənarında.
07.11.1995-ci ildən Qafan, Sisian, Meğri, Gorus rayonları ləğv edilib və Sünik mərzisi təşkil edilib. Qarakilsə rayonu - 01. 03.1940-cı ildən Sisian, Urud kəndi – 03.07. 1968-ci ildən – Vorotan.
Memarlıq
1970-ci illərdə hay-daşnak sürüsü nümayəndələri qaya parçasına “David bəy” yazılmış dəmir lövhə vurdular, guya o quldurun səngər yerlərindən biri burada olub.
Kəndin cənubunda, çayın sağ sahilindəki qədim insan yaşayış məskəni kimi tarixi əhəmiyyət daşıyan yüksəklikdə, çılpaq dağlıq hissədə hündürlüyü 100 m-dən çox olan böyük bir sal qaya parçası el arasında Xan oturan adlanırdı və xalqın müqəddəs sandığı bir yer idi. Mahalda bir fikir də yayılmışdı ki, guya böyük türk hökmdarı Çingiz xanın nəvəsi, Ögedey xanın böyük oğlu və varisi Güyük (Göyük) xanın (1206-1248) Orta Asiyadan ötüb Xəzərsahili ərazilərə və Qafqaza hərbi yürüşü zamanı Zəngəzurda, Bazarçay çayının sahilində, burada düşərgələnib və dincini almaq üçün bu daşın üstündə oturmuşdur. Təbii qala, səngər yeri kimi əhəmiyyətli olan bu hissədə həm də qədim yaşayış məskənlərinin yurd yerləri, xarabalıqlarının izi qalırdı [i].
Oğuz-türk xalqlarının mədəniyyətinin ayrı-ayrı xüsusiyyətlərini təmsil edən elementlərdən biri olan ziyarətgahlar duyğusal-ruhsal irsin tarixi torpaqlardakı nümunələrindən biridir.
[i] Olaylar. – 2019. – 2-4 noyabr. – S. 14; www.anl.az/down/meqale/olaylar/2019/noyabr/681087.htm